فعل کی مفعول سے مطابقت

﷽

فعل کی مفعول سے مطابقت

فعل کی مفعول سے مطابقت
( 1 ) اگر مفعول واحد ہو تو فعل بھی واحد آئے گا،
جیسے:
۱۔ اسلم نے کتاب خریدی۔

( 2 ) اگر مفعول جمع ہو تو فعل بھی جمع آئے گا،
جیسے:
۲۔ سرمد نے کاپیاں خریدیں۔

( 3 ) اگر مفعول مذکر ہو تو فعل بھی مذکر آئے گا،
جیسے:
۳۔ آمنہ نے قلم خریدا۔

( 4 ) اگر مفعول مؤنث ہو تو فعل بھی مؤنث آئے گا،
جیسے:
۴۔ فہد نے کاپی خریدی۔

( 5 ) اگر کسی جملے میں ایک سے زیادہ مفعول ہوں تو فعل آخری مفعول کے مطابق آئے گا،
جیسے:
۵۔ اسلم نے بازار سے کاپیاں اور قلم خریدا۔
یا
اسلم نے بازار سے قلم اور کاپیاں خریدیں۔

( 6 ) فعل متعدی کی صورت میں اگر کسی مفعول کے ساتھ علامتِ مفعول "کو” استعمال ہو تو فعل واحد مذکر آئے گا،
جیسے:
۶۔ فائزہ نے سرمد کو مارا۔
۷۔ اسلم نے اکرم کو دھمکایا۔

نوٹ : اگر مفعول کے ساتھ علامتِ مفعول "کو” استعمال نہ ہو تو فعل، مفعول کے مطابق (واحد، جمع، مذکر یا مؤنث) آئے گا،
جیسے :

واحد : اسلم نے گدھا خریدا۔

جمع : آمنہ نے گڑیاں خریدیں۔

مذکر : سرمد نے خط لکھا۔

مؤنث : فائزہ نے کتاب پڑھی۔

Name: Misbah Rao

حواشی

( موضوع ): فعل کی مفعول سے مطابقت،[ کتاب کا نام ]اردو زبان قواعد و املا (لیول)کورس کوڈ : 901،صفحہ نمبر : 77،مرتب کردہ : مسکان محمد زمان